ان الحواوشي من اجمل الاكلات التي نأكلها في الشارع ولها مذاق مميز لانها تحتوي علي اللحم المفروم








المكونات 1\2 كيلو لحمة مفرومة
بصلة مبشورة
ربع معلقة ملح أو حسب الرغبة
نص معلقة فلفل أسود
2 معلقة سمنه
شطة
فلفل حار
عيش بلدي
ورق فويل
طريقه التحضير
بنخلط اللحمة المفرومة مع التوابل " الملح ,الفلفل , الشطة و البصل مع السمنه لحد ما يبدأ قوام اللحمة المفرومة يبدأ يشد معاك " و ممكن أضافة فلفل اللوان أو فلفل حار على حسب الرغبة مع اللحمة المفرومة و التوابل "
و بنفتح العيش البلدي و بنفرد اللحمة المفرومة جوه العيش بالتساوي .
بنضيف على العيش من فوق سمنه لتحمير الوش .
بنغلف العيش البلدي بالفويل و ندخله الفرن من 30 الي 45 دقيقه للتسوية .
طريقه ثانيه للتسويه
بنحضر طاسه بنضيف فيها زيت بنضيف فيها الحواوشي لحد ما العيش يبدأ يتحمص و اللحمه المفرومه تستوي و نقلبه على الوشين .
طريقه تحضير عيش الحواوشي :


المكونات :
3 كوبايات دقيق
ميه دافيه
معلقة خميره
معلقة ملح
نص سكر
4 معالق سمنه
طريقه التحضير
بنضيف السكر علي الخميره مع الميه الدافيه لحد ما تخمر لمده 10 دقايق .
بنضيف الخليط على الدقيق و نقلبهم .
و بنضيف عليهم السمنه و نقلبهم جيدا و نسيبهم لمده ساعة في مكان دافي لحد ما العجين يتخمر.
بنبدا بتقطيع العجينه لقطع متساويه و بنفرد كل قطعه عجين علي رخامه و نضيف عليها اللحمة المفرومة و نقفلها كويس و ندهن عليها سمنه أو زيت على حسب الرغبة و ندخل الفرن للتسويه من 30 دقيقة ل 45 دقيقة .