اليوم معى احلى طريقه لعمل فتة الشاورما من الاكلات السريعه التي تقدمها لنا المطاعم وهو طبق سوري




المكونات
1\2 كيلو صدور فراخ متقطعة شاورما
1 علبة زبادي
2 بصلة متقطعة شرائح
3 معالق خل
1 معلقة طحينة
1 معلقة زيت نباتي
1 معلقة بصل بودره
1 معلقة قوم بودره
1 معلقة كزبرة ناشفة
رشة شطة
رشة جوز الطيب
رشة نعناع
رشة قرفة
بقدونس مفروم
طماطم متقطعة مكعبات
1 معلقة بهارات فراخ


عيش شامي أسمر

خيار مخلل متقطع شرائح
طريقة التحضير
نبدأ بتحضر طبق كبير نضيف فيه الفراخ و عليها علبة الزبادي علشان الفراخ تبقي طرية في الأستخدام .
نضيف على الشاورما التوابل ( النعناع – كزبرة الناشفة – قرفة – بصل البودره – ثوم البودره –جوزة الطيب – بهارات الفراخ – رشة شطة- ملح و الفلفل على حسب الرغبة ) و نقلبهم على الفراخ و نسيبهم من نص ساعة الى ساعة علشان الفراخ تشرب التتبيلة .
نحضر الطاسة اللي هنستخدمها على النار و نضيف عليها معلقة زيت نباتي و نضيف عليها الشاورما و نبدأ نقلب لحد ما لون الفراخ يبدأ يتغير معاك .
بعد كده بنضيف البصل الشرائح على الشاورما و نضيف ميه على الشاورما و نسيبهم عالنار لمده 5 دقائق .
هنضيف الخل و معلقة طحينة كبيرة على الشاورما و نقلبهم و بعد كده نضيف الطماطم المكعبات و البقدونس و نقلبهم و نسيبهم لمدة 5 دقائق .