نتعرف على اجمل طبق من كفته الرز بالفراخ بدل اللحمه بجد ولا اي فرق خالص والاولاد هيحبوها كتير













المكونات
نص صدور فراخ مفرومه
كوبايه ارز مطحونه
بقدونس وشبت وكزبره

بصلايه مبشورة ومتصفيه كويس جدا
اربع خمس فصوص توم
ملح وفلفل وبهارات

الطريقه
اول حاجه الرز يتغسل وتسيبيه ينشف كويس جدا وتطحنيه يبقي ناعم خالص
هتجيبي بقي الكبه وتحطي البصل مع الخضره مع التوم وعليهم الرز والفراخ والبهارات وتضربيهم كويس وتدخل التلاجه نص ساعه تتشمع عشان متفكش منك
وبعدين تصبعيها وتتحمر في زيت غزير وتعملي صلصه عادي وتحطيها فيها تكمل سوا بتبقي تحححفه

انا بفرزها بعد التحمير بستناها تبرد خالص واحطها في كيس تلاجه وعالفريزر عدل ولما اطلعها اعملها صلصه عادي وانزلها تكمل سوا فيها