صفحة 1 من 2 1 2 الأخيرةالأخيرة
النتائج 1 إلى 7 من 9

الموضوع: كيف تجعلين زوجك لا ينام الا معك‎

  1. #1

    تاريخ التسجيل
    02 / 04 / 2010
    المشاركات
    141
    معدل تقييم المستوى
    139

    كيف تجعلين زوجك لا ينام الا معك‎

    كيف تجعلين زوجك لا ينام الا معك ؟؟
    --------------------------------------------------------------------------------
    طبقي هالخطوات وان شاء الله راح تدعيلي..

    التطبيق الأول

    قبل زواجي كانت ماما تقوللي خللي زوجك يتعود على ريحتك وحرارة صدرك...

    وفهمتني اش تقصد...وفعلا طبقت كلامها وشوفوا اش صار...وكيف؟
    -





    من أول زواجي بحياتي ماخليت زوجي ينام لوحده...حتى لوماكان فيّانوم...

    أدخل معاه أنومو زي البيبي...بعدها أخرج...

    اممممممممم!!!ماأدري كيف أشرحلكم....

    بس اعذروني كلوللتوضيح والافادة مو أكثرمن كذا....والله العالم...

    كنت أخليه يحط راسو ع صدري أو قريب من صدري

    ( عشان يتعود على ريحتي وحرارة جسمي)...
    ........





    أنا كنت أطبق هذي الخطوة...

    أخلي عقله اللاواعي يربط بين ريحتي وحرارة صدري والنوم...

    وبعدها شوفي كيف؟؟؟والله ماحيقدرزوجك ينام الا وانتي معاه........

    لدرجة أوقات أكون مشغولة ....

    زوجي يناديني يقوللي نوميني!!!


    ////





    عندي زميلة تعاني من سفرزوجهاالمستمر...

    علمتها على الطريقة....طبقتها معاه لمدة 8 شهور...

    بعدهاسافر على سوريا كالعادة مع أصحابه....

    تقوللي لما جاء الفجرالاهويتصل عليها يقوللها ماقدرت أنام اتعودت عليكي...بس طلع الصباح حجز...والظهر وهوبالسعودية عندها....

    رجع وهومرهق وتعباااااان من السهر////



    طيب بس ننوم أزواجنا كذا من غير أي شي ثاني؟؟؟


    لاياقلبي...فيه...وفيه أشياء كثيرة لااااااااازم تراعيها....

    وهي انك فيـــــــن تحطي يدك قبل ماينام؟؟؟

    أنا أقولك فين...

    خللي يدك على ظهره بين الأكتاف...

    وامسحي عليه بهذي المنطقة مسح خفيف ألين ينام....

    أو

    حطي اصبعك الابهام على الجبين وحركيه

    بمسح خفيف على الجبين وبين العيون...

    أو


    حطي يدك على رقبته من الخلف وكمان امسحي عليها....

    مسح خيف رقيق...وبحركة بطييييئة...

    أو

    خللي يدك على كتفه من فوق وحركيها ( طالعة نازلة)...


    على الرقبة والكتف...كمان بحركة خفيفة وبطيئة...


    ليـــــــــــــــــــــــ ــه؟؟ ؟


    باختصار..

    لأن هذي المناطق اللي ذكرتها هي اللي يحصل فيها التوتر...


    وشد الاعصاب...


    وعشان تزيلي التوتر...


    لازم تسوي هالحركة البسيطة عشان ترتخي الاعصاب...


    وعشان تشغلي العقل بشي ثاني يخليه يبعد عن التفكير والتوتر...


    طيب...انتي ماعندك عشرين يد عشان تلمسي كل هالمناطق بوقت واحد....اش تسوي؟؟؟


    لازم تعرفي منطقة التوتر عند زوجك.....


    لاتحتاري أنا أعلمك كيف....



    اذا زوجك من النوع اللي فيه خطوط أفقيه بالجبين أو خطين طوليين فوق بين الحواجب...



    والجفون العلوية نازلة شوي على العيون...


    على طول اعرفي انها هذي منطقة التوتر...


    يعني على طول حطي يدك هنا...



    لاحظي أكتاف زوجك...

    اذا كانت مرفوعة شوي على فوق...


    والمنطقة اللي بين أكتافه ورقبته مشدودة...


    فهذي هي منطقة التوتر...



    وخللي يدك على هذي المنطقة...



    أما اذا كانت أكتافه راجعة على ورا....


    فمنطقة التوتربوسط الظهر وبين الأكتاف من الخلف...



    وعلى الرقبة من ورا...
    أما اذا كان راسه راجع أو منحني للخلف شوي فمنطقة التوتر بالرقبة من الخلف...



    فخللي يدك على الرقبة من الخلف...



    وبكذاحيناااااااااام بشكل سريع ونوم عميق ومريييييح...



    التطبيق الثاني..


    وقت ماأصحي زوجي من النوم....يقوم معايا على طول ( ماشاءالله)...


    يعني مايتعبني وأنا أصحيه...

    اش سويت...؟؟؟


    الشخص لما يكون نايم....


    حاسة الابصار تكون معطلة...


    لاكن في حواس ثانية لسّا شغالة...


    وهي: السمع واللمس والشم...



    أقرب فمي من أذن زوجي...

    وأناديه باسمه...


    دايما أقوللو بيبي...


    أقولها له بشكل وشوشة...


    هناأنبه حاسة السمع...


    وحاسة الشم نحنا منبهينا من الليل( لماأنومه وهو متعود على ريحتي)...

    فأول ماأقرب منه على طول يبدأيشم ريحتي...


    اللي تعود عليها...


    ووقت ماأنادي عليه باسمه أمرر يدي بشكل خفيف على وجهه والمس كفوفه...


    هنا أنبه حاسة اللمس وكمان يحس بحرارة جسمي اللي اتعود عليها...



    ووقتها على طول يفتح عيونو ويبتسملي....................



    وب كذا مايتعبني بالتصحية...


    رغم اني أول ماأتزوجنا كانت أختو تقوللي الله يعينك عليه ترى نومه ثقيييييييييييل....


    ثالث تطبيق...


    أوقات يدخل زوجك البيت وهو بعدة حالات مثلا: معصب,محبط,متضايق....


    كيف تتصرفي بهذا الوقت...


    اذا جاكي وهو عنده مشكلة وحسيتي ان فيه شوية خوف...

    على طول حطي يدك على ظهره وامسحي عليه بقوة...

    وابدأيكلميه...

    حتلاقيه على طول اتطمن...


    اذا جاكي وهو محبط وحاس بالفشل والخيبة...


    امسكي يده واضغطي عليها بين كفوفك ...


    أو حطي يدك على ركبته...اذا كان جالس...


    اذاجاكي وهومتضايق وفيه حزن...


    حطي يدك على كتفه واربتي عليه...



    اذا مربموقف ( يهز ثقته )....

    أي موقف حسيتي ان ثقته انهزت منه...


    حطي يدك على راسه...

    وحركي أصابعك بين شعره...


    اذاحسيتيه محتاج عاطفة...

    والعاطفة اللي أناأقصدها هي عاطفة الاهتمام...


    وانه حاس انك مقصرة معاه...

    حطي يدك على صدره...


    اذاكان معصب لاااااااااااااااتلمسيه أبدا.....

    طالعي بعيونه...

    عشان تقدري تديري تصرفاته...

    بابدأي كلميه بصوت هادي ونبرة متوازنة...




    ووقت ماتكلميه اجلسي على الأرض...

    وأطلبي منه يجلس ...

    اذا جلس ابدأي كلميه واتفاهمي معاه...

    طبعا هذا أمر رسولنا الكريم...

    وذحين اكتشفوا بأوروبا ان الانسان اذا كان معصب وجلس...


    الدورة الدموية عنده تبطأ والضغط ينخفض ويبدأ الشخص يهدأ وضربات القلب تهدأ......


    بسبب القرب من الجاذبية الأرضية...

    وانحناءات الجسم...


    سبحان الله ( لاينطق عنالهوى)...


    طيب ليه اخترتنا هذي الأماكن مو غيرها؟


    اذا حطيتي يدك على ظهر أي شخص يحس انه فيه أحد معاه وانه له سند بالدنيا...

    واذا كانت على اليد فيها دعم وتشجيع لأن أفعال الانسان تكون باليد أو الرجل....

    فاذا لمستي الركبة والكف يحس بالتشجيع...


    الكتف....

    فيه مواساة...............


    عشان كذا كان أنسب مكان للمواساة...


    طيب الراس؟...


    دايما يقولوا تاج راسي....

    واللي معتز بنفسه يقول راسي مرفوع....


    فعشان كذاكان لمس الراس والشعرفيه بناء ثقة......



    اما الصدر فمعروووووووف انو مكان لكل الاحاسيس والمشاعر...


    يعرف زوجك انك تحبيه بدون ماتفتحي فمك...


    التطبيق الرابع...

    معروف انو أقوى تواصل بين أي شخصين...

    هو العيون....


    ومنها نقدر نقول كلام...


    مانقدر ننطقه بالواقع...


    أصلا مانعرف نقوله....



    طيب اش علاقتها؟؟؟؟؟؟؟؟؟


    اذا حسيتي زوجك يبغى يعترفلك بشي مخجل....


    وحسيتيه خايف أو محرج بقوله...


    لاتطالعي بعيونه ......


    حاولي تتجاهلي انك تركزي في عيونه...



    عشان يلاقي الجرأة بالاعتراف والحكي...



    لكن لو طالعتيفيه...

    حتلاقيه يرتبك ويتلخبط ولسانه ينربط وممكن مايكمل الكلام....

    وبعد مايحكيلك...

    حتلاقيه يتجنب يطالع بعيونك.....


    وشوي شوي يتجنب يتكلم ويجلس معاكي...



    لكن...

    اذا كان يبغى يقولك على شي غير مخجل ولا شي...

    مجرد اعتراف بمشكلة يمر فيها (مثلا)...


    ركزي بعيونه...

    لأن هذي النظرة تعطيه التشجيع وانك مهتمة للكلام اللي يبغى يقوله...


  2. #2
    الصورة الرمزية مجموعه انسان
    تاريخ التسجيل
    27 / 02 / 2010
    المشاركات
    4,536
    معدل تقييم المستوى
    672

    افتراضي رد: كيف تجعلين زوجك لا ينام الا معك‎



    يبغالي اقراها كل يوم عشان احفضهاوما انسى شي يعطيك العافيه اختي دمعه عابره على الطرح الرائع


  3. #3
    :: لمنتديات الأخبار ::

    تاريخ التسجيل
    03 / 03 / 2010
    المشاركات
    1,161
    معدل تقييم المستوى
    242

    افتراضي رد: كيف تجعلين زوجك لا ينام الا معك‎

    مشكوره اختى علا المعلومه بس ليش دايم حنا الي نسوى لهم كل سبل الراحه وهم ولاهم موجودين


  4. #4

  5. #5

    تاريخ التسجيل
    02 / 04 / 2010
    المشاركات
    396
    معدل تقييم المستوى
    164

    افتراضي رد: كيف تجعلين زوجك لا ينام الا معك‎

    مشكوره دمعه عابره على النصائح المفيده


  6. #6

  7. #7

    تاريخ التسجيل
    16 / 10 / 2010
    العمر
    35
    المشاركات
    1,734
    معدل تقييم المستوى
    291

    افتراضي رد: كيف تجعلين زوجك لا ينام الا معك‎


صفحة 1 من 2 1 2 الأخيرةالأخيرة

المواضيع المتشابهه

  1. كيف تجعلين غرفه نومك جنه يعشقها زوجك
    بواسطة مجموعه انسان في المنتدى كلام نواعم
    مشاركات: 7
    آخر مشاركة: 05 / 07 / 2013, 21 : 11 AM
  2. كيف تجعلين زوجك اسعد رجل 2013 - كيف تجعلين زوجك اسعد رجل في العالم 2014
    بواسطة ـألبرنسيسة في المنتدى منتدى الحياة الزوجية
    مشاركات: 1
    آخر مشاركة: 01 / 06 / 2013, 39 : 10 PM
  3. كيف تجعلين زوجك اسعد رجل 2013 كيف تجعلين زوجك اسعد رجل في العالم 2014
    بواسطة جمينه في المنتدى منتدى الحياة الزوجية
    مشاركات: 0
    آخر مشاركة: 16 / 05 / 2013, 14 : 02 PM
  4. كيف تجعلين زوجك يبوح لك بأسراره
    بواسطة وجه الخير في المنتدى منتدى الحياة الزوجية
    مشاركات: 3
    آخر مشاركة: 16 / 08 / 2012, 27 : 08 PM
  5. كيف تجعلين زوجك يتكلم
    بواسطة شموخ عزي في المنتدى كلام نواعم
    مشاركات: 5
    آخر مشاركة: 09 / 11 / 2010, 18 : 11 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249