هذا ف خاطر أساتذة المدرسة الاقليمية للمعلمين
ومدرسة تكوين الأساتذة بمدينة اسفي
وناسها الطيبين الكرماء

الى كنت عبدي
انديرك ف جنبي

اتفكرت سيدي بوذهب
والمواج راها كتتقلب

وصلت درب مولاي الحسن
تم درت لجردت جنان الفسيان

ف اعلوالولي سيدي بوزيد
كل يوم جمعة موسم عيد


ماحدك وانت طالع فوق الصخور
ايبان ليك اوزين ماروك فسفور

الى كنت ف اقواس باب شعبا
راه داير بها صور أثري القصبا

الى اطلعت العقبت حي البياضة
تبقى ليك خرجت دوار الاذاعة

الى كنت ف حي سيدي عبدالكريم
تم تلقى مدرستي اقليميت المعلم

الى وصلت مؤسست الادريسي
هذاك تكوين تلميذ أستاذ الليسي

ادخل واتسارا ف سوق لخميس
تلقى معمل الحوت عليه ادحيس

الى امشيتي ف الشاطئ لحي القامرة
تلقاها بالرومبوانات والناس عامرة

الى زرتي ف جنبها حي أشبار
اعرفتي ذيك جيهة اللي تختار

هذي راها مدينت اسفي


اللي فيها فريق خزفي

الى درتي ال جيهت الشماعية
عنداك اتفلت بحرار الوالدية


عفاك الى كنت غادي اديني

اتوحشت اهل تراب السيني

هذا الوصف ليكم يا حضار
لمدينة سياحية ايجوها زوار

الى شفت اسفي تكتشف أسرار
حوت خزف فسفور أو حتى نوار