قصيدة ليه الحزن يفرض علينا ثيابه ، قصيدة حزينة



السلام عليكم ورحمة الله وبركاته
كيف الاحوال اعضاء منتدانا الغالي كلمات مضيئة
عساكم بخير ان شاء الله
اليوم جبتلكم
قصيدة ليه الحزن يفرض علينا ثيابه ، قصيدة حزينة


ليه الحزن يفرض علينا ثيابه




شكيت جرحي للبحر قال تكبر
وتشوف منهم في حياتك غرابه

نطقت له تكفى اذا كنت تقدر .؟
عندي سؤال ؟ بس ناقص آجابه

ليه القلوب اللي نبي دوم تغدر ؟
وليه
الحزن يفرض علينآ ثيابه ؟

قال الكسر ماظنتي يوم يجبر
الا اذا اللي راح آعلن ايابه

قلت الوفا بين البشر ليه يندر ؟
ليه الغلا بالناس سهل انقلابه ؟

قال البشر طبعه غدر بس اصبر !
وتشوف شيب العمر بعد الصبابه

وان كان تبغى الحل من قبل يصدر !
خلك حريص تعيش كلك مهابه

من قبل دمع العين بالحزن يحدر
من قبل لا وقتك يعضك بنابه

وقتك غريب ومثلك اليوم يندر
يندر تعيش بطيبتك وسط غابه

باقول كلمة واذكره دوم .. وآخبر
واذكر كلامي لك .. آجابه آجابه

لا تقول انا فاهم على الناس اقدر
اقدر اميَّز من دروسي كتابه

صدقني هذا وقت خاين ويغدر
لو انت ذيب تخون فيك الذيابه