قصيدة الحب الاول صعب نسيان راعيه ، قصيدة حب


السلام عليكم ورحمة الله وبركاته
صباح/مساء الخير أعضاء وزوار منتديات كلمات مضيئة
أقدم لكم اليوم
قصيدة الحب الاول صعب نسيان راعيه ، قصيدة حب


(( الحب الأول )) صعب نسيان راعيه ..


أقول : بنسى .. وأحسب اني نسيته ..
الحب
الأول .. صعب ((نسيان)) راعيه ..
عانيت في بعده كثر .. ما هويته ..
لا احتلت في ((قربه)) .. ((ولا نيب ناسيه)) ..
لو اني أقدر جيته .. كان جيته ..
اللي بقوله آآآآه ويلي على أجيه ..
بس البلا أني كلما جيت بيته
أخذ ثلاث أيام مدري (شنا) فيه .!
ليل .. ونهار .. وليل .. واللي قفيته ..
وأنا مابين أسمه .. ورقمه .. وطاريه ..
الله عطاني من غلاه .. وعطيته ..
((وغيره)) بغى مني .. ((ولانيب معطيه)) ..
قالوا : هويته قلت : أأيه هويته ..
قالوا: تركته قلت: ماني مخليه ..
له منزلٍ في وسط روحي .. بنيته ..
جدرانه ضلوعي .. وهو ساكنٍ فيه ..
دورت له بين الضلوع .. ولقيته
خلف الضلوع .. يبين (ماطى) خطاويه ..
واليوم لا أحتجت اللقا .. ماأحتريته ..
حتى ثره من بين الأضلاع .. ما حيه ..

ياجعل يسقى عادني لا بغيته
يغفى على ضلعين صدري وأصحيه.!
((ما فيه شخص في حياتي بكيته)) ..
الا الذي قد مات .. مانيب راجيه ..
لكن هو حي .. ومع ذا ((رثيته)) ..
من قلبي اللي .. أحسن الله تعازيه ..
حملت قلبي بالهموم .. ورجيته ..
كني ما عرف .. الا غيابه وأحاتيه ..
أقول : ((بنسى)) .. وأثرني (( مانسيته )) ..
((
الحب الأول )) صعب نسيان راعيه ..