قصيدة ياجرحي استأذنك بنام لي ساعـہ ، قصيدة حزينة

السلام عليكم ورحمة الله وبركاته
صباح/مساء الخير أعضاء وزوار منتديات كلمات مضيئة
أقدم لكم اليوم
قصيدة ياجرحي استأذنك بنام لي ساعـہ ، قصيدة حزينة




ياجرحي استأذنك بنام لي ساعـہ

ياجرحي استأذنك بنام لي ساعـہ ..
وارجوك تكفى دخيلك لاتصحّيني ..

لي خمسة ايام اعيش السّمع و الطاعه ..
و لك خمسة ايام تامرني و تنهيني ..

والمشكلـہ جت عروق القلب فزّاعّـہ ..
مايكفي انك سرقت النوم من عيني ..

ياسيّدي الجرح قلبي يشتكي راعـہ ..
لا الذنب ذنبي ولا الموضوع بيديني ..

حبّيت واخلصت واثر الحب فقّاعـہ ..
روّح وباقي يموّتني ويحييني ..

غيري هدر دم عشق وللاسف باعـہ ..
غيري قتل كل حب بحد سكيّني ..


وانا الي اصبحت للأخطاء شمّاعـہ ..
وادفع ثمن كل غلطه من محبيني ..

قبلي في العشق ناس وتشكي اوجاعـہ ..

قالوا متاهـہ وانا جيتـہ برجليني ..

بدايته سلسلـہ والنّفس طمّاعـہ ..
اغراني ادري ولا في شي يغريني ..

واليوم لو قلت يااهل الحب وطباعـہ ..
انتوا على دينكم وانا على ديني..

اجبرني الجرح اعيش السّمع والطّاعـہ ..
حتى ولو قلت له ياجرحي اعفيني..

من خمسة ايام وانا في رجا ساعـہ ..
وان جيت بنامها جرحي يصحّيني ..