قصيدة وش حيلة اللي بالمحبه تولع ، قصيدة حب



السلام عليكم ورحمة الله وبركاته
أهلا ومرحبا بكم في منتدى الابداع والامتاع منتدى كلمات مضيئة الغالي
جبت لكم معي اليوم

قصيدة وش حيلة اللي بالمحبه تولع ، قصيدة حب





وش حيلة اللي بالمحبه تولع





وش حيلة اللي بالمحبه تولع
قلبه من اسباب الهوى فيه حره
يشكي عذاب الحب و النار تشلع
في جوفه المسكين تكويه جمره
ثارت زوابعها و قامت تجمع
لاهي مفارقته ولا مستقره
اقولها من يوم قلبي تقطع
و العقل مني طار و ازداد شره
على الذى حلياه طبعه مدلع
ابو جديلٍ شوف عيني يجره
والعين عين الحروالرمش يسجع
من فوق خدٍ زاهيٍ تحت غره
صرت بمحلي حايرٍ و اتطلع
مفتون به وآقول لله دره
مثل القمر لا تم في عشر و اربع
بس الخلاف يكون كل بمقره
غديت مثل اللي بحاله تروع

والقلب مني راغ و افتر فره
حبه سطا في خافقى ثم تربع
تل الحشى مني على حين غره
قفّى و باب الحب لجله مشرع
ولا خبرت الباب مفتوح مره
كاس الهوى ذقته وقمت اتجرع
شربت كاس الحب حلوه و مره
يا حيلة الله كيف حالي تمزع
محدٍ من العربان حالي يسره
مسكين ياللي بالمودة مولع
أنشهد ان الحب كله مضره