قصيدة حرمّت اخــاوي واحــدٍ مــا بغـاني، قصيدة رائعة


السلام عليكم ورحمة الله وبركاته
أجمل تحية على أعضاء وزوار كلمات مضيئة
اليوم جايبة لكم معي
قصيدة حرمّت اخــاوي واحــدٍ مــا بغـاني، قصيدة رائعة





حرمّت اخــاوي واحــدٍ مــا بغـاني!!!


في دنيتي هذي تعلمت حاجات
هاكم بعض ما فادني به زماني


ما اتبع اللي صد عني بلحظات
ولا ارخص اللي بالمحبه شراني


واذا رحلت ارحل بعزة وبسكات
ما ارد صاع اللي بغدره كواني


اما اجي كلي شعورٍ مع الذات
أو ابتعد كن مـاعطيـته حنــاني


عرفت ..ان المحبه فعلاً مقامات
امــا مؤبــد .... او يعوض بثـانـي


عرفت... أن أصعب وفاء للامانات
يومٍ عطيت القلب شخص ونساني


في دنيتي ذقت النكد والمسرات
اسعدني اللي بالمهــالك رمـاني


اقوى الطعون اللي تجي بالخيانات
لاصرت مجني واغلى انسان جاني


اللي ضحكلي شلت عنه الملامات
ياللأسف ... حملتــها مـن بكــاني


لكن هي الدنيا تجــارب وغــلطـات
خطاء عملته... ولصــوابي هداني


عرفت كيف أضوي دروب المتاهات
عرفت كيف القاصي ...يكون داني


لأجل الأمل بسعى في كل المجالات
ماضيّــــع الآمال ...... غير التوانـــــي



لو مات أمل عندي بأقول ما مات
أفرح به أكثر .... لو أحققه عـاني


في كل اموري راح اعيد الحسابات
احرم ..واضاعف بالعطا من عطاني


حرمّت اعاشر من يطيع الوشايات
حرمت أخاوي واحد مابغاني


حرمّت اصدق كلمةٍ مــالها اثبات
حرمّت وصلي مايجي من جفاني


ان صد عني شخص جا بالبدايات
ماعاد اجيه.. ان راد يعرف مكاني


تعبت اجامل واكتم بصدري آهات
اضحك وقلبي جمـــرةٍ بالمحاني...