قصيدة جيتك اليوم ، قصيدة جميلة


السلام عليكم ورحمة الله وبركاته
صباح/مساء الخير أعضاء وزوار منتديات كلمات مضيئة
أقدم لكم اليوم

قصيدة جيتك اليوم ، قصيدة جميلة


جيتك اليوم ..





إفتح شبابيك الهوى جيتك اليوم
بإحساس من زود الوله عده يطير
جيتك مثل طفلٍ له أيام محروم
عن حضن أمه أبعدته المقادير
وجيتك مثل عودٍ له أيام مهموم
وده يلاقي بأخر الوقت تقديــر
وجيتك حضن عاشق وهايم ومغروم
وده يضمك لين تصبح على خيـر
متى تحس إن الهوى شي مقسوم
من قسمة الخالق على خلقه يصير
ومتى تحس إني لك أطيح وأقوم
وأتعب على شانك وأقدرك وآغير
لي في هواك أحلام وأمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاور
وحب وغلا وإخلاص ومعاند ولوم
وإحساس وإلهام وشعور وتفاكير
وصحبة سهر ومقاطعة لذة النوم
وأشواق جياشه وعشق وتعابير
في ذمتك ما بان لك شي مكتوم
من بعد ما صورت الأوضاع تصوير

لا تحسب إنك شي عابر ومعدوم
وتاريخ حبك فاق كل الأساطير
في كل شي أتخيلك وأسمعك دوم
وأتأملك في الوقت الأول والآخير
من ماضي الأيام ليومك اليوم
وغلاك عندي ما حصل فيه تغيير
وأنا لك الله ما أقبل البيع والسوم
ولا أرضى علي ولا عليك المخاسير
لأني الوحيد اللي على بحرك يعوم
واللي عرف مرساه في رحلة السير
لحظة حبيبي قبل يسبقني النوم
بضم صدرك لين تصبح على خير !!