- تجنبى استخدام الصابون لان بعض مكوناته بتكون داخلها صودا كاويه او مواد تصبن + ان ph بتكون عاليه و باتالى بتسبب جفاف بشرتك
و كمان تجاعيد و التهابات


انا بستعمل منظف اورفليم هاتى الى يناسب نوع بشرتك اذا كانت
دهنيه او عاديه او جافه

و المنظف ده بيساعد على تنظيف البشره بعمق و المسام كمان يعنى الاتربه الى بتدخل فى المسام بيطلعها و بتحسى ان وشك منور و نضف كده

و زى ما قلت على حسب نوع بشرتك بتختارى الانسب ليها فى انواع كتير
انا بستعمل اكتر من نوع

يعنى فى الشتاء بجيب للبشره الجافه و فى الصيف للبشره الدهنيه علشان بشرتى بتختلف من فصل للتانى

و الى تحب تفتح بشرتها فى مجموعه كانت حلوة قوى بس مش عارفه اسمها حنزل صورتها و بتجيب مفعول حلو جدا

فى انواع بتكون منظف و تونر مع بعض و فى كل حاجه لوحدها

بعد ما تشطفى وشك بالمياه الدافيه بتجيبى نقطه من المنظف على ايدك و تدلكى وشك بحركات دائريه و متنسيش مناطق جناب الانف و الخدين
و بجوار الاذن و منابت الشعر

و ابعدى عن عنيكى متدلكيهاش يعنى يكفى غسيل بسيط لكن الوش كله بحركات دائريه
خلصتى بترجعى تشطفى وشك تانى بمياه فاتره

و تجيبى قطنه عليها تونر لو انتى بتستخدم كل حاجه لوحدها و بتمسحى وشك كويس
لو بتخرجى فى الشمس او للكليه بيكون فى كريم معاه عامل حمايه علشان متسمريش و علشان يرطبلك بشرتك و لو بتحطى مكياج بيساعد ان المكياج ميدخلش للبشرة

بترجعى باليل بتمسحى و شك بمزيل المكياج من ايفون حلو جدااااااااااا
و ناعم على الوجهه
و بتقومى تكررى الخطوة السابقه فى غسيل الوجهه

بالليل لازم تستفادى من8 الى 10 ساعات الى بتناميهم لان بشرتك بتجدد فيهم

و مهم جدا تنامى فى الضلمة لان انتاج الخلايا بيزيد فى النوم فى الظلام و مهم ان بشرتك تكون نضيفه و مسامها نضيفه ده بيساعد على نضارته فى الصبح

لو انتى لسه فى العشرينات او بتعانى من الحبوب بتدهنى كريم مضاد للدهون و الحبوب بالليل

و لو قربتى على سن 30 فى كريمات مضاده للاكسده بترطب البشره و بتغذيها طول الليل بتقومى تحسى وشك منور و بشرتك كلها حيويه

انتى الى بتحددى نوع الكريم حسب عمرك و نوع بشرتك

و مره فى الاسبوع بتعملى صنفره للوجهه بعد خطوه التنضيف
و ده علشان تزيلى الخلايا الميته و تساعدى ان بشرتك تبان افتح و انعم

و مره فى الاسبوع بتعملى ماسك بتختارى الانسب لنوع بشرتك على حسب نوعها و عمرها
انا بستخدم الماسك البمبى ده حلو جدا و بينضف بعمق و نصيحه بلاش الماسكات الى بتتقشر لانها بتشد البشره و احيانا بتاثر عليها جدا افضل الماسك الى بيتشطف

بتشطفى الماسك بماء فاتر و كده انتى تمام
لو ده بقى البرنامج بتاعك كل يوم عمرك ما حتلاقى وشك ملزق او دهنى
او طلعتلك حبوب

كده انتى بتنضفى بعمق المسام و بتقفليها علشان متجمعش اتربه و بتغذى بشرتك الصبح و بتحافظى عليها من الشمس

و بتعمليلها عنايه مكثفه بالليل + انك بتديها الفيتامينات الى بتحتاجها بالماسك و بتزيلى اى جلد ميت بالصنفره

و متنسيش كل ده بيدعمه شرب المياه الكتير و ياريت عصير طماطم او ثمره طماطم صباحا و مساء ده بيمنع الاكسده الى بالبلدى دى العجز


كمان الكابوتشى و المنتجات الورقيه بتعمل نضاره للبشرة
و بكده بشرتك حتكون نضيفه على طول و المكياج حيكون اثبت و مفيش دهون ولا حبوب و يارب تكونوا احلى عرايس و اجمل زوجات و بنات