السلام عليكم ورحمة الله ..

طبق مره لذيذ ورائع يممممم ..
خضار تعملينها بالبخار مره سهله وماتاخذ وقت بس
التقطيع يشغل شوي ..
ومهوب لازم نفس الخضروات اللي أنا حاطتها
تحطينها اذا مهيب متوفره عندك في البيت أستخدمي أي شي موجود عندك يوكل .. أنا بس أوضح لكم الطريقه كيف تعملونه



اللي
بعمله الحين يكفي شخصين بس
المقادير /
حبة وحده كوسة
حبتين جزر كبيره
نص
قرنبيط يعني تقطعين نصها ثمن تقطعينه صعنونات
قرع تشيلين اللب حقه وتستخدمين بس القشر ..
أنا استخدمت نص قرعه بس .. طعمها مهوب مقبول بصراحه
الصوص / أحلى شي
هذا تكبينه ع الخضار اذا استوت ونضجت تطلعينها
وتخلينه تبرد شوي
المقاديرتبع الصوص /
ملعقه كبيره زيت زيتون
نص ليمونه
تعصرينها
رشة ملح


بس :
فيه أشياء أنا ماأضفتها ... بس مره كويسه لو
تكون موجوده اللي هي /
بروكلي (يشبه القرنبيط بس لونه أخضر )
فاصولياء خضراء طبعا تذبينها في الصحن
بدون ماتقشرينها أو أي شي
ممكن تضيفين بطاطس بس تقشرينه شرايح رقيقه مرره علشان
يستوي كويس

نجي لطريقه /


طبعا قطعي كل شي شرايح صغيره علشان يستوي
معك .. واغسليهم كويس
حطيهم في شاخوله اللي تكون مفتحه من تحت على أساس ان
البخار يدخل جوا
جيبي قدر في نصه مويه تغلي وشغلي عليه النار بعد .. بعدين حطي
فوقه هذي الشاخوله اللي فيها الخضار ..( نفس الصوره الموجوده) .. هذي اللي حاطه
فيها أنا الخضار مفتحه من تحت فتحات صغيره .. شفتوا كيف



بعدين
تغطينه علشان مايتسرب البخار .. واستنيها 30 دقيقه تقريبا لحد ماتنضج
ثمن كبي عليها الصوص وقلبي

ملاحظه / لاتخلينها تستوي مره وتصير لينه
.. طلعيها وهي قاسيه .. اهي اصلا لازم توكل قاسيه .. ماتكون مستويه وخامره مره