1. بســــــــــــــم الله الرحمن الرحــــــــــيم






    و من هنا ننطلق~
    قبل لا بدأ بالطريقه احب انبه لبعض الأمور اللي لازم ناخذها بعين الإعتبار ..

    مثل ما انتو عارفين هذا خبز .. ومن اهم عوامل نجاح الخبز وانتفاخه ( حراره الفرن)
    لذلك :

    1/ الفرن لازم يكون حاااااار جداً ... ويشغل قبل بوقت ..
    2/ نشغل العين اللي فوق واللي تحت ..
    فـ لاتجيني وحده وتشغل اللي تحت وتقول ما نجح الخبز ..
    او تغامر وتسويه ووحده من العيون (اما اللي فوق ولا اللي تحت) عطلانه وتقول ما انتفخ الخبز ..
    يعني بالعربي لازم العيون اللي فوق واللي تحت تشغلينها ع الاخر ..
    3/ قبل لانفرد الخبز نتركه يتخمر شي 5 -10 دقايق
    هذه الملاحظات مهمة جدااا و يجب أخذها بعين الاعتبار



    يالله نبدأ بالطريقه :

    العجينه ..


    نصف كوب لبن// ربع كوب ماء// ربع كوب زيت << وبكذا يكون عندنا كاس كامل من السوائل
    اقل من فنجان سكر ناعم
    ملعقه كبيرة (ممسوحه) خميره فوريه
    2 كاس طحين

    نخفق السوائل مع السكر ثم نضيف المواد الجافه ونعجنها عدددددددل





    ونخليها تتخمر بمكان دافئ تتخمر تقريبا 30 دقيقه .. أنا خذت مني ساعة كاملة..

    في هالوقت هذا نجهز الحشوه ...
    طبعاً الحشوه اختياري ولا انتي ملزومه انك تسوين مثل حشوتي ...
    المجال مفتوح اذا بغيتي
    (زعتر وزيت - جبن سائل - جبن شيدر .... الخ )

    بس كـ بدايه احسن سوي الشيدر ^^


    سويت حشوتين بالشيدر ( شيدر عادي - شيدر حراق )


    نبدأ بالحشوة:
    نقطع الفلفل صغييير .. ونبشر الجبنه ..



    في هالوقت هذا تكون العجينه تخمرت
    ومثل ما تشوفون في الصوره كيف تضاعف حجمها و جواتها هواء ..




    نرش سطح صينيه كبيره بالطحين
    نقسم العجينه لكور (حجم الكور راجع لك انتي ... اذا تبين الخبز صغير او كبير)




    بعد ما انتهينها من تقسيم العجينه
    نبدأ ع طوول بالحشوه .. نضغط ع الكوره ثم نحشيها بالجبنه (هنا الجبنه الحراق ) ونحاول نكثر من الحشوه لانه بعد ما نفردها رح تتوزع ويكون الجبن قليل ..



    ثم نسكرها عدل ..




    ونقلبها ونخليها ع جنب .. ونكمل باقي الكور



    هذا بعد ما انتهينا من الحشو
    نغطيها ونتركها تتخمر ونبدأ بحشوه الجبن الشيدر ( البارد ^^)



    وبعد ما خلصنا من الشيدر البارد الا خبز الحراق تخمر ( وتلاحظون تضاعف الحجم)



    ونبدأ الحين بشغل الفرد ..

    ناخذ خبز ه ونحطها ع سطح مرشوش بطحين







  1. ونبدا نفردها .. ونحاول يكون شكلها دائري ..



    نصف الخبز في صينيه مدهونه بزيت ثم ندهن وجهها ( ببيضه صغيرة مخلوطة مع ملعقة كبيرة حليب سائل ) ..


    نزينها بالسمسم و أي نوع من البهار ..
    مثلا
    للجبن الحراق فلفل أحمر بودرة مع سمسم
    للجبن البارد زعتر بودرة مع سمسم..



    ثم
    نتركها تتخمر 5 دقايق ..

    ندخلها الفرن المسبق التشغيل من فوق و من تحت على الرف الوسطي ..

    و استمتعوا بالمشهد



    ما تآخذ وقت في الاستواء مجرد دقائق و تكون جاهزة..
    هذا من الداخل..


    ثم
    ونقدمها بالشكل اللي يرضينا ..



    وبـالف صحه وعافيه ع قلوبكم ..