من جرح لجرح يانار اداور بيك
تبرد من كتر ومن كتر تجويني
ذبلت بمحبتك زهرة العشرين
وبريحك طفت شمعة ثلاثيني
ما اعوفك بعد ماخذ عهد علروح
وقابل لو حطب للنار ترميني
اتنفس هواك بزحمة الدخان
واكولن هم يحن قلبه ويطفيني
مو ثوب وينزعك جسمي حتى ارتاح
ولا كل يوم طبعي بثوب تلكيني
احبك مدري ليش وليش مدري شلون
ولا جويات نيرانك تطفيني
ماادور صرت عزة نفس وياك
بس ينجاب طاري اسمك يبكيني
يا اجمل حلم عشته بخيال النوم
وقيثارة لحن صوتك توعيني
محتاجك حبيبي بكثر ما محتاج
واحد يفتهم حكيي ويحكيني
زينتك ضوه وصارت عليك العين


وحرامية العشك ترست بساتيني
سولفلي التريده جروحي تعبانات
خليني افتهم شتريد خليني
انه وياك واضح مثل شمسك هاي
وغربيل العواذل ما يغطيني
وانه بغير حبك صدك ناقص دين
احبك وارد اكمل وياك نص ديني