سوييت لكم جدول يعنى الامكاان يلي تقريبا كل السياااح يسيرونهااا وان شااء الله تستفيدووون


دبي مول ( أحدث أسواق دبي, تسوق- مطاعم- تزلج- حديقة أسماك- نوافير راقصه يبدا العرض كل يوم الساعه 6 المغرب على حسب علمي – سينما - مدينة الالعاب كيدزانيا وبعد فيه عالم سونيك ) هذا يبيله يوم كامل ممتع جدا ... وبعد تزورون سوق البحار بينهم ممر فيه مطاعم حلوه وراقيه ممكن تتعشون في واحد منها ..

دبي فيستيفال سيتي ( يوجد به ممر مائي وقوارب مجانيه- تسوق- مطاعم- سينما) ممكن الجلوس على المطاعم المطله على الخور ..ممكن زيارة ميركاتو مركز ستايله ايطالي حلو ...
مردف سيتي سنتر(تسوق - مطاعم - متعه ) وممكن تزورين في نفس اليوم سوق التنين ( سوق منتجات صينيه مخفض) ..

مول الامارات ( تسوق- مطاعم- سوبر ماركت- ملاهي- مدينة الثلج "سكي دبي"- سينما) وبعد هذا يبيله يوم كامل ممكن تزورين في نفس اليوم مركز تايم سكوير (تسوق- مطاعم – المقهى الثلجي "تشيل أوت") بس للامانه الشي المييز الوحيد فيه هو المقهى الثلجي ..
ابن بطوطه مول ( تسوق- سوبر ماركت- ملاهي- مطاعم ) طبعا عالم ثاني ديكوراته حلوه ومميز وممكن تركبون المنطاد ،،، وفي نفس اليوم ممكن تروحون قرية البوم السياحيه وتتعشون هناك ...

أوت لت مول ( تسوق ستوكات ماركات مخفضه- بعض المطاعم) وفيه كافيه رائع جدا ولذيذ بجانب المدخل الجانبي اللي في محل بربري لا يطوووفج اتعشوا هناك ... كل وجباتهم حلوه ..

وفيه بعد سوق جميرا (عدال برج العرب فيه مطااعم حللوه ومتنوعه وممكن تركبون القارب اللي يجول في الممر المائي الخاص فيه ،، وفي نفس اليوم ممكن زيارة الممشى والعشاء في واحد من المطاعم ...

مركز برجمان ( تسوق ماركات غاليه- سوبر ماركت- مطاعم) اخذ تذاكر الباص المائي وممكن في نفس اليوم زيارة الاسواق الشعبيه (سوق نايف ، سوق عكاظ ،سوق الذهب ، مركز ابو هيل ، سوق مرشد )



وفيه طبعا مولات ثانيه منها :مركز سيتي سنتر ( تسوق- سوبر ماركت- مطاعم- ملاهي- سينما) ، ، مركز وافي (تسوق راقي - مطاعم - مقاهي ) ،

وبعد لا تنسين تزورين اتلانتس والتمشيه فيه ... مرسى دبي مكان رااائع في العديد من الابراج ويحتوي على مول اسمه مارينا دبي (تسوق - مطاعم مطله عالمارينا - مقاهي )

__ اترياااا ردوودكم __