السلام عليكم و رحمة الله و بركاته,

كيفكم اخواتي العزيزات نتمنى تكونوا بالف خير و عافية يا رب, اليوم عملت دجاجة محمرة فى الفرن و معمرة بالروز, جات زوينة و حبيت نوريهالكم نبداو باسم الله هدا هو الشكل ديالها تيشهى





هده هى المقادير التى سوف نحتاج و هى موضحة بالصور





بالنسبة للتشرمولة انا عملت بصلة فى ماقلة و شوية الزيت, 3 فصوص توم, نصف ملعقة صغيرة سمن حار,ضامة البنة كنور, سكنجبير-زنجبيل-,تشرمولة ديال الدجاج تتكون عند العطار, خرقوم,ابزار و طبعا القشوشات ديال الدجاجة نتركه فوق النار حتى يطيب مزيان و يتشحر عاد نضيفوه للرز
اخليكم مع الصور









من بعد ناخد التشرمولة الى وجدات نضيفها على الارز و نصف قشر حامضة مخلل و الزيتون اخضر مقطع




نخلطو مزيان و نعمروا الدجاجة بالارز و من بعد نخيطها














و نجمعوا حتى الرجلين بالخيط باش متحلش أثناء الطبخ






ناخد طنجرة نعملوا فيها بصلة مقطعة جنيحات و نفس التوابل الى عملنا فى الاول فى التشرمولة و نضع الدجاجة من فوق و نتركها تستوي
على نار هادئة و من بعد ندهنها بالسمن و نضعها فى الفرن تتحمر








بالصحة و الراحة نتمنى تعجبكم