النتائج 1 إلى 4 من 4

الموضوع: دخول المرأه السعوديه مجلس الشورى..موضوع خيمه الحوار

  1. #1
    الصورة الرمزية روايه رماديه
    تاريخ التسجيل
    21 / 01 / 2011
    الدولة
    الرياض
    المشاركات
    3,478
    معدل تقييم المستوى
    545

    Nqash دخول المرأه السعوديه مجلس الشورى..موضوع خيمه الحوار

    السلام عليكم ورحمه الله وبركاته......

    تحيه طيبه للجميع...كثرت الاقاويل واختلفت الاراء حول دخول المراه السعوديه لمجلس الشورى..! منها المؤيد ومنها المعارض ومنها من يضحك ويرمي بالنكت والاشعار...ان ماشجعني على طرح الموضوع مقال قراته لااحد الاخوات باللهجه الحجازيه الحلوه...حبيت كثير المقال
    اتمنى تقرووه وتناقشوني فيه وتحكون انطباعكم عنه....

    .................................................. ................................


    حقـوق المرأة




    للدكتورة : ليلى صالح عزوز

    باللهجه الحجازيه الجميلة

    ما يرفع ضغطي شَي زَي كلمة حقوق المرأة .. وبالذات في السعودية . وهادي المشكلة طلعت متى؟

    بعد 11 سبتمبر …. سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة ..

    إيش هادا؟ أتْـرِنُّو إحنا لنا حقوق؟! مادام كده …الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

    يا أختي حلال عليكم البلدية كلها .. يعني إيش تبغوا تسووا؟

    تحطوا ضوابط إصدار الرخص لمحلات الحلاقة مثلا؟

    والا تناقشوا سفلتة الشارع اللي يودي على بيت أم إبتسام؟

    والا ليه الشارع الفلاني ما فيه كوفيرة مغربية وكل اللي فيه مصريات؟

    يا أختي ريِّحي راسك . اذا كثير من الرجال ما سوُّوا حاجه … بالله عليكي حتسيبي بيتك وعيالك وشغلك … عشان تناقشي مشروع إنتخابي؟ هادا من تمام الفضاوه..

    طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

    أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها.

    مثلا: في بلدان كثير عربيه وأوروبيه تلاقي شحط طويل عريض جالس في الباص …وقدامه وحده في الشهر التاسع واقفه على رجولها وشايله طفل تاني على كتفها …. إن الشحط يتحرك؟ .. أبدا…

    إن الثور يحس؟ …..لايمكن.

    لكن هل يمكن يحصل هادا في السعودية؟ أبدا ..

    واللي يبغى يجرب…. الطريق قدامو …. يا عمي العملية كلها دلع حريم في دلع حريم …

    رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟

    وهل عندنا المرأة متساوية مع الرجل .. والا هي أحسن مِنُّو؟

    قال حقوق المرأة .. قال.


    منظر عام

    رجال محترمين زي الورد واقفين أمام صراف في بنك .. وتِجي أختنا في الله

    )اللي يقولو إنها مهضومة الحقوق)

    تتقدم للصراف (ِatm)مباشرة ولا على بالها من الطراطير اللي واقفين من ساعات ..

    وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي… وثلاثين باكستاني … وخمسين سعودي… واثنين معقبين معاهم شوية فواتير مقاس إكس لارج

    .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال

    …. خليني في الطابور …. زَيِّي زيكم؟! …. ليش ما تقول كده؟! … والا هي تماحيك وبَس !

    ونفس المنظرفي الجوازات …. والأحوال … والتأمينات .. ويقدر أحد… يقول إنه من ظهر أبوه …. يفتح فمُّه؟ … على طول يسمع العبارة الشهيرة … ( عيب عليك …. إنت ماتستحي؟ .. هذه حرمة…إنت ما عندك أهل …((!ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل ..

    وبعدين بقية الركاب؟

    قال حقوق المرأة … هههه!


    اقتصاديا

    شوف الراجل.. السبع… الغضنفر.. المفتري…له ثوبين أوثلاثة في السنة ..

    يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ…

    والمرأة بسلامتها .. بقيمة أدوات مكياجها فقط …

    تقدر تفتح محل خياطة رجالي محترم . ويا ريت تحط من مكياجها في البيت.. لأ.

    دا بَس للخروج … وقيمة صباع روج والا علبة بودرة تساوي قيمة جوال جوزها

    .. وكمان ازيدك من الشعر قصر .. مو بيت .. من حقوقها فستان لكل فرح. و مكياج.

    وكوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.)

    قال إيه! حقوق المرأة.


    نفسيا

    الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين..

    ويعني إيه عنده مشاكل في العمل؟! والا أقساط متأخره؟!

    والافواتير؟! والا مقاضي ما يعرف كيف يجيبها؟!

    مو مهم ..واجب عليه إنه يرجع من العمل للبيت مروِّق ومبسوط وبَس … كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد(( ….

    والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك (لاحظوا .. بزورتك) طفَّشوني .. إيش رأيك نغير غرفة النوم؟ التلفون ما فيه حراره …

    جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه … … .. … ومع هادا كُّلو ..لازم يبقى رومانسي.

    بينما هي وبكل سهولة تصحى بسلامتها في الظُهر…وتجد الكارثة الكبرى….يوه … ما عندنا صلصه …وبكل رقة تتصل…ألو ألو …أبو خالد موجود؟ ممكن أكلمه لو سمحت؟ ألو .. إيوه… أنا ..

    حتكون مين يعني؟… المهم … جيب معاك غدا … ماهو إنت يا فالح نسيت تجيب صلصه معاك أمس.

    ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ….. طيب.

    وفوق هذا كله آخر السنه: طفشانه ….فين حتودينا …والله بنت خالتي راحت أمريكا .. وبنت عمي ما تصيف إلا فْ أوروبا…. يا عيني علينا إللي ما نروح غير يا مصر… يا سوريا … والسنة اللي غيَّرنا فيها … رحنا ماليزياوماتقول شوف زوجة فلان ايش عملت لزوجها لانه من المحضورات .

    وفي رمضان: تعبت ….أوف …..إنت داري عن حاجه؟ أنا أبغى خدامة… أنا خلااااااااص .. ومن ثالث يوم رمضان ….مقاضي العيد من جده …أختي جابت ملابس لها ولعيالها .. إيش أقولَّك بس … وخُد مشاوير لليييييييييييل … والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو … على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

    قال إيه؟ … حقوق المرأة.

    أضافه

    السواق رجال والكوافير رجال والطباخ رجال والخياط الى يخيط توب الست رجال


    شرعا

    المرأة لها حظ من أبوها …. وحظ من زوجها . هادا غيرأمها .. وأخوانها … وأبناءها .. والراجل مطالب إنو هواللي يصرف عليها مهما كان عندها فلوس.

    وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا … بينما الست تصلي تحت المكيف … في غرفتها… وأجرها زي الرجال تماما …. ياعيني .. يا عيني ..والله الإسلام أعطاكم كتير …. وياريتو يِبان فيك


    ..........................


    اترك مساحه لكم للتعبير عن رايكم؟!.......ولي عوده للنقاش..احترامي


  2. #2

  3. #3

    تاريخ التسجيل
    04 / 12 / 2010
    المشاركات
    7,960
    معدل تقييم المستوى
    1020

    افتراضي رد: دخول المرأه السعوديه مجلس الشورى..موضوع خيمه الحوار

    يعطيك الف عافية غاليتي
    ... بنسبه دخول المرأه السعوديه مجلس الشورى

    لآ وآلله ضده وبقوآآآآ
    آلمرآءه لهآ مكآنتهآ ولهآ آمآكن شغلهآ


    ليش مَ وفروآ لهآ آمآكن تليق فيهآ ليش مآفتحوآ مجآل آلتعليم للعآطلآت ليش مَ وفروآ مستشفيآت خآصه وبعيده عن آلآختلآط ليش وليش آشيآء كثيره .......
    جت على آلبلديه؟!!! يعني مثلآ طق بآبهآ بآلليل متآخر وعند زوجهآ تترك زوجهآ وتشوف آشغآلهآآآ ومثلآ تتكفل تسوي آلشآرع وآلحفريآت ؟!!!!!!!!!!!!!!ههه
    كلآم كثيرلكن يبقي كلآم ملكنآ على آلعين وآلرآس




  4. #4
    الصورة الرمزية روايه رماديه
    تاريخ التسجيل
    21 / 01 / 2011
    الدولة
    الرياض
    المشاركات
    3,478
    معدل تقييم المستوى
    545

    افتراضي رد: دخول المرأه السعوديه مجلس الشورى..موضوع خيمه الحوار

    ربي يعافيك غاليتي..الحمدلله ان هناك صدى للمشاهده الموضوع وعاد لي الصدى بردك الجميل......

    بالنسبه لراي في هذا الموضوع انا مقتنعه تماما ان المراه المسلمه والسعوديه بالذات تملك ثقافه وعلم وادب اسلامي في الحوار..لكن اجد في دخول لمجلس الشورى بعض الثغرات..فمن سيمثل بنات المملكه السعوديه في هذا المجلس!
    لاعلم كيف افسر ذلك لكن اخاف ان تمثلنا تلك العقول الخرقاء من العلمانيات المتحررات كم يقلن من عبوديه الدستور الاسلامي!!! هذا الشي الذي اخافه..
    فقط....اما لو يمثلنا بنات البلد الغيورات على الدين الاسلامي وقداسته فليس هناك اي مانع ابد...اتمنى ان يكون قرار ابو متعب في صالحنا ولا يخلق تحزبات ومشاكل نحن في غناء عنها.........


    هنا اوجه رساله لكل اعضاء المنتدى وادراته ومشرفينه..!! شاركوا برايكم لو بسطر وكلمات قليله..! الى متى ونحن نضع فقط ونترك!!!!! حاوروا ناقشوا..عبروا عن ارائكم..........

    شكري واحترامي للجميع.........اختكم راويه رماديه..


المواضيع المتشابهه

  1. فندق 5 نجوم فى السعوديه/ يطلب موظفين خدمه غرف الراتب :1300 ريال +عموله والتنفيذ فورى
    بواسطة فيز اوروبا في المنتدى السوق الأكتروني - Open Market Forum
    مشاركات: 0
    آخر مشاركة: 01 / 10 / 2013, 02 : 08 PM
  2. اشكال الزواج..! موضوع خيمه الحوار...ارجو التفاعل
    بواسطة روايه رماديه في المنتدى خيمة الحوار
    مشاركات: 11
    آخر مشاركة: 08 / 07 / 2011, 40 : 08 PM
  3. خيمه الحوار"الحجاب"موضوع للنقاش فقط...
    بواسطة روايه رماديه في المنتدى خيمة الحوار
    مشاركات: 22
    آخر مشاركة: 04 / 06 / 2011, 55 : 12 PM
  4. خيمه الحوار"الحجاب"موضوع للنقاش فقط...
    بواسطة روايه رماديه في المنتدى الحوار العام والنقاشات الجاده
    مشاركات: 14
    آخر مشاركة: 30 / 05 / 2011, 08 : 09 PM
  5. نغمه جوال المرأه السعوديه
    بواسطة حماميزوو في المنتدى أستراحة المنتدى
    مشاركات: 4
    آخر مشاركة: 01 / 05 / 2010, 10 : 11 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252