السلام عليكم ورحمة الله وبركاته اولا ..احب اشكر اختي "ليونة" لطرحها الموضوع وعلى الدعوة_ وكلي شرف وانا البيهــا 1- ماهي علاقتك بالشعر ؟!! علاقه حميمه فالشعر ترجمه صادقة للأحاسيس 2- من هو شاعرك المفضل ؟!! دايم السيف ـ الشيخ محمد بن راشد المكتوم ـ حامد زيد 3- اعضاء في"منتدى كلمات مضيئة " تثق في ذائقتهم الشعرية ؟!! رواية رماديه ـ مجموعه انسان ـ ليونة ـ محروم الفرح ـ لولو البحر والكثير بين حنايا هذا المنتدى يملكون يملكون ذائقة شعرية 4- بيت شعر يحضرك دائما ؟! ! احرص على اللي دايم الدوم شاريك واحذر من اللي لاقسى الوقت باعك 5- قصيده تعدها من اروع القصائـد ؟!! قصيده المعاناه لدايم السيف يا ليل خبرني عن امر المعاناة =هي من صميم الذّات و إلا اجنبيه هي هاجسٍ يسهر عيويني ولا بات=او خفقةٍ تجمح بقلبي عصيّه او صرخةٍ تمردت فوق الاصوات=او ونةٍ بالضماير خفيّه او عبرةٍ تعلقت بالنظرات=او الدموع اللي تسابق هميَّه اعاني الساعه و اعاني مسافات=و اعاني رياح الزمان العتيَّه و اصور معاناتي حروف و ابيات=يلقابها راعي الولع جاذبيه ولا ني بندمانٍ على كل ما فات=اخذت من حلو الزمان و رديَّه هذي حياتي عشتها كيف ما جات=آخذ من ايامي و أرد العطيّه 6- هل لك محاولات في كتابه الشعر ؟!! نعم ولاكن قليله ايام المراهقة :) 7- لك مساحة لكتابة بيتين مـن قلمكـ فـأمتعناا ؟!! لا يوجد ولا تامرون امر 8- لك مساحه بلآ حدود وحرية بلا قيود امتعنا بقصيدة على ذوقك ؟! . "ادلعها واولعها " لحامد زيد بعد ماقابلتني عاتبوها على شوف الحبايب حاسبوها خذوها وأبعدوها غصب عني وعن وجهة طريقي جنّبوها وشالوها عن عيوني غصيبه عواذل وأغصبوني وأغصبوها خذوها من يديني شوف عيني وعن عيني تعدّوا وأحجبوها كلام وصدّقوا بالبنت كذبه وهم اللي من أول كذّبوها وهم وشدخلهم في مال بيّن لبوها والخلايق طالبوها وفيّه لاتخون ولاتعاند جسوره والمواعيد أرعبوها ملاكٍ كامله والكامل الله ولكن العواذل عذربوها وهي كلما دعتني تشتكي لي عن اللي سالفتنا سرّبوها تخاف وتلتفت مع كل كلمه تظن أن العواذل راقبوها تلفّت من عقب ماهي جريئه شجاعه ماتهاب وهيّبوها وأهدّيها وأنا حاير وثاير مصيبه ياعذابٍ عذبوها وهم كلما خذوها عن طريقي تراهم صوب قلبي قرّبوها وأنا ماتعّبت قلبي خيانه خيانه رتّبوها وأحسبوها ولا يعجز خفوقي لايقابل جفا من حاربوه وحاربوها وأنا لي عزّة ٍ تفرض عليّه أخاطب بالجفا من خاطبوها وأكسر لوحة الماضي وأزيله وأخرّبها مثل ماخرّبوها وأذوّقهم ندم ماصار فيها وأشرّبهم من اللي شرّبوها وأدلّعها وأولّعها بنفسي وأشرٌّقها بعد ماغرّبوها وأعوّضها عن اللي راح كله وعن ذيك الليالي كلّبوها غلاها بالحشى لازال ثابت ولو حتى بغيري حبّبوها وغلاي بقلبها مرّ وتعدى غلاها لأمها ولا لأبوها . 9_ عضو\ه يعجبك في انتقاءلقصائد رواية رمادية ـ وجه الخير ـ انستازيا . . 10 بيت شعري يحزنك اويحرك من مشاعرك هذه قصيدة للشاعر الكبير :حامد زيد وهي بعنوان : الجمهره اي بله أخطوا والخطا اللي جابهم عين الصواب*** مبطي وأنا اشوف الطمع يكشف رداهم واستره
ما يملي عيون الحسود بهالزمن غير التراب*** ومن لا يتوب من الخطا تحرم عليه المعذره
اللي من اولها خراب أكيد تاليها خراب*** والبندق اللي ما تثور في هدفها تذعره
ودك اليا جاتك الغلطه من الناس القراب*** الصاحب اللي ما كسبت محبته ما تخسره
مشكلتي اني ما عرفت أحسب الصدتهم حساب*** قلبتهم صدري على ذكري قصيد وحنجره
صوت يصول فمبره وخطاب ما بعده خطاب*** والطيبه اللي زعزعت صوت الخطيب ومنبره
ما فيه دمع صوبوه احبابي بوجهي وخاب*** ولا زرق حزني على غالي ولا فج انحرمه
كل الزهاب اللي معي ذكرى من أصحاب الزهاب*** و اللي بقالي من عذاب أشرس طريقي وأخطره
لاني تجنبت الغرق عديت من فوق السحاب*** لأن أكثر أصحابي ورق ما شفت للطيب اثمره
والله ما حطيت بين الحقد والخوه حجاب*** حتى غدوا ربعي يحدوني على الضيق أشكره
البارحه ثارت عليي رقاب وآوتني رقاب*** البارحه يا ثقل دم البارحه ومحقره
اهب يا وجه الحسد كيف وشلون جمعهم وغاب*** كيف السنين اللي عطتني بعثرتهم بعثره
أثر المصايب ما تجيك إلا من الناس القراب*** وبهالزمن حتى الخوي اللي تثق فيه احذره
لا بارك الله في رفيق تزعله كلمة عتاب*** ولا جمع الله الرجال اللي تفرقهم مره
عودت نفسي كل ما شددت لليمه ركاب*** ما اصد عن طريق الا اليا جبت خبره
الصاحب اللي ما يجي من صحبته غير العذاب*** نذر علي ان ماهجرني والا انا اللي بهجره
من يفتح لفرقاي باب افكله عشرين باب*** واذا خويي ما يقدر خوتي ما اقدره
ان روحوا فأنا بري منهم ليوم الحساب*** وان جرحوا قولولهم ما حركوا فيي شعره
شفهم لهم حول السنه ولا خذوا مني جواب*** أحسن دوا للي يحاول يستفزك تحقره
أنا جمعت أوراقهم بكتاب وأغلقت الكتاب*** يا وقت لم اللي تلمه وانثر اللي تنثره
ما كنت أحاتيهم وانا صغير عاد احاتيهم شباب*** ان ما ذخرني صاحبي لليوم الاسود ماذخره
عقب اكتئاب البارحه ما عادانا حمل الاكتئاب*** الطيب جرجرني وانا مانيب ناقص جرجره
اللي يخاف من الضمى يتركلنا طرد السراب*** واللي مهو بقد الظلام وحشته لا يسهره
أنا تجرعت الضمى لين احترق وجهي وذاب*** أنا كسرت بخاطري قبل الصداقه تكسره
أنا خسرت اللي غيابه غير عن كل الغياب*** انا غفرت إلعالم ما تستحق المغفره
أنا أكثر انسان تعلم من كثر ما أخطا وصاب*** أنا آخر لساني تكلم في زمان الثرثره
أنا القصيد اللي نزع من دفتره مليون ناب*** أنا الوحيد اللي جمع مليون ناب فدفتره
جفني وجرحه السهر حيلي وهدته الصعاب*** دمعي هدر ضحكي ندر عمري وضيعت أكثره
شيبت بعقول العرب هيبت روس ما تهاب*** جمهرت ناس عمرهم ما يعرفون الجمهره
ما صرت ذيب الا لأن اللي حواليني ذياب*** ما كنت أغيب الا لان العفو عند المقدره
ترى حلاتك لا حملت لصاحبك كلمة عتاب*** ان ما نطقتبها بوجهه ما تذمه بظهره
في هالزمن مايملي عيون الحسود إلا التراب*** والحضيض الطلقه الا ما تصيبه تذعره
ودك اليا من جاتك الغلطه من الناس القراب***الصاحب اللي ما كسبت محبته ما تخسره
اتمنى اكون ضيف خفيف عليكم
وبانتظار الضيف القادم
اختنا العزيزه (مجموعه انسان)
دمتم بود
الشعر والشعراء
LinkBack URL
About LinkBacks
....عــضــو فـــي ضــيــافـــة قـــوافـــيَــنـــا الـــشـــعــــريـــــه.....
رد مع اقتباس
المفضلات