صفحة 1 من 2 1 2 الأخيرةالأخيرة
النتائج 1 إلى 7 من 11

الموضوع: الحال من بعضه!

  1. #1
    : استراحة المنتدى :

    تاريخ التسجيل
    26 / 10 / 2010
    الدولة
    الولايات المتحدة الامريكية
    المشاركات
    1,513
    معدل تقييم المستوى
    279

    افتراضي الحال من بعضه!

    قصيدة لشاعر إماراتي تشكي الحال

    و الحال من بعضه





    تو .. طين



    وش عاد يا دار ٍ بها صار ( توطين )

    و في مكتب التوظيف سوسن و ميسون !



    مديرهم مدحت و نائبْته نسرين

    و على الرسبشن حمّص و فول و زيتون !



    كل ما اتصلت اسمع ( الو مرحبا مين ؟

    بدّك وظيفه ؟ .. مين دلّك على هون ؟ )



    اقول انا لي اتصل صار شهرين

    و انتوا وعدتوني متى بس توفون



    اسمي ( مواطن ) ( جامعي ) طيب و زين

    كني ابخطب عندكم و اتّغلون !



    عندي شهاده طايحه بجبدي سنين

    عشش عليها شي له ستة عيون !!



    لو للشهاده لسان قالت ( على وين

    ناوي توديني .. تلف فيني الكون ؟ )



    من كثر ما صورتها غارق بدين

    للهندي راعي المطبعه صرت مديون



    لا ليلي ليل ولا نهاري نوى يبين

    دقيت راسي لين ما صرت مينون !



    مطلوب خبره عالأقل في مجالين

    ولا تجينا بواسطه و سير مدهون !



    ولا انثبر في بيتك .. افرك بكفين

    يومك يشابه امسك و عيش مغبون



    تعدادنا ويّاهم اربع ملايين

    و اهل البلد للحين ما صاروا مليون !!



    ويلاه من باكر اذا وضعنا الحين

    و احنا اقل من الربع حالنا شجون !



    و اللي ابتسم له حظه والله مسكين !

    حصّل وظيفه .. بس في وين .. تدرون ؟



    ساكن في راس الخيمه .. حطوه في العين !!

    و اللي سكن في الذيد .. في السلع مدفون !!



    يشوف اهله بس في الأسبوع يومين

    و اذا حسبتوا الدرب كم ساعه ... تبكون



    يعني في كل احواله ذاق الأمرين

    شغّال محزون و بلا شغل محزون



    و الأجبني اللي راتبه فوق عشرين

    فله و سياره و تذاكر .. و طاعون



    عنده بدل كل شي عالراتب الفين

    حتى بدل معجون اسنان و صابون !



    و من بعد ما يجمع من بلادي فلسين

    و يربّي م القعده على الكرسي بطون



    و يصير في بلاده غني و عنده برجين

    يرحل و هو جاحد .. و كم مثله ملعون !



    و حتى الجماعه قوم مدحت و نسرين

    مردّهم لبلادهم لو يطولون



    يرضون بشوية دراهم .. و شفتين

    صبح و عصر .. لو حتى في الليل يرضون



    بس لو سمعتوا همسهم بينهم بين

    وسط القهاوي يلعنون و يسبون !



    لا تحسبوني عنصري .. كلنا طين

    و الخل لو عاتب محبينه يمون



    داري و انا اولى بها من الغريبين

    ما يوصلون لحبها لو يموتون



    و ( الأقربون اولى ) .. كلام ٍ من الدين

    ما جبته من شعري مع الهام و ظنون




    ولد البلد ما يبغي لبلاده الشين

    بالروح بالدم يفتديها ولا يخون



    لكن سؤاله يوم قلتوا له ( توطين )

    يا كيف بيد الغرب توظيفه يكون ؟؟!!



    شعارهم معروف ( راجعنا بعدين )

    و باين من التأجيل .. انهم يخافون



    اذا معك خبره .. يا اهلين و سهلين

    و اذا شهاده بس .. عنك يصدون



    ما عندنا شاغر .. و بطلنا تعيين

    ولو تحرق الهاتف ترى ما يردون !



    من وين اجيب الخبره ؟ من وين من وين ؟

    دام الوظيفه عند سوسن و ميسون !



    عندي بمطبخ بيتنا خبره سنتين !

    تنفع اذا صاروا المطاعم يوطنون ؟؟!



    ولا اهاجر و آخذ الخبره في الصين ؟

    صح العيون صغار .. لكن يقدْرون



    سؤال يا دار ٍ ..صراحه بترضين ؟

    اني اسافر و اطلب الغرب لي عون ؟



    و سؤال يا ناس ٍ على الراس و العين

    صدق الوظايف واسطه و سير مدهون ؟



    اما الجواب الشافي يجيني الحين

    او هاتوا تأشيره .. اذا كنتوا ترضون !



  2. #2
    الصورة الرمزية ام فيصل
    تاريخ التسجيل
    30 / 01 / 2011
    الدولة
    المملكة العربية السعودية
    المشاركات
    3,003
    معدل تقييم المستوى
    415

    افتراضي رد: الحال من بعضه!


  3. #3

  4. #4
    : استراحة المنتدى :

    تاريخ التسجيل
    26 / 10 / 2010
    الدولة
    الولايات المتحدة الامريكية
    المشاركات
    1,513
    معدل تقييم المستوى
    279

    افتراضي رد: الحال من بعضه!

    ام فيصل وبدر الزياد..اسعدني مروركم الجميل


  5. #5
    الصورة الرمزية مجموعه انسان
    تاريخ التسجيل
    27 / 02 / 2010
    المشاركات
    4,536
    معدل تقييم المستوى
    672

    افتراضي رد: الحال من بعضه!

    تسلم والله يالهايم والحال من بعضه


  6. #6
    : استراحة المنتدى :

    تاريخ التسجيل
    26 / 10 / 2010
    الدولة
    الولايات المتحدة الامريكية
    المشاركات
    1,513
    معدل تقييم المستوى
    279

    افتراضي رد: الحال من بعضه!

    مجموعة انسان


  7. #7

صفحة 1 من 2 1 2 الأخيرةالأخيرة

المواضيع المتشابهه

  1. جاوبني في الحال
    بواسطة بدر الزياد في المنتدى الشعر والشعراء
    مشاركات: 12
    آخر مشاركة: 17 / 10 / 2013, 48 : 06 PM
  2. عواذل ذات الخال في حواسد
    بواسطة دارين في المنتدى نثر الخواطر وعذب الكلام
    مشاركات: 1
    آخر مشاركة: 01 / 07 / 2013, 53 : 11 PM
  3. عواذل ذات الخال في حواسد
    بواسطة نارين في المنتدى نثر الخواطر وعذب الكلام
    مشاركات: 0
    آخر مشاركة: 15 / 05 / 2013, 49 : 05 PM
  4. اسباب ظهور حبة الخال
    بواسطة وجه الخير في المنتدى مكتبة خاصة بالطب بانواعة وفروعة
    مشاركات: 9
    آخر مشاركة: 16 / 05 / 2011, 43 : 03 PM
  5. قسم الباطنيه من الالف الى الياء
    بواسطة دلع العشاق في المنتدى مكتبة خاصة بالطب بانواعة وفروعة
    مشاركات: 18
    آخر مشاركة: 12 / 05 / 2010, 36 : 12 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •